Checheniston rahbari Ramzan Qodirov “Exo Moskvi” radiosi rahbari Aleksey Venediktovni musulmonlarni haqoratlashga urinishda aybladi, deb yozadi “Vzglyad” nashri Qodirovning Instagram’dagi sahifasiga tayanib.
“Aleksey Venediktov Payg‘ambar (s.a.v) karikaturalarini chizish kerak-kerak emasligi bo‘yicha so‘rovnoma o‘tkazmoqda. Savolning qo‘yilishiyoq provokatsiya xususiyatiga ega. Bu Rossiya va butun dunyo musulmonlarini haqoratlash, xalqlar o‘rtasida dushmanlikni keltirib chiqarish, tartibsizlikni yuzaga keltirishga urinishdir”, — deya qayd etdi Checheniston rahbari.
Qodirov “hukumat odamlar va xalqlar orasiga nafrat sochayotgan radioni tartibga chaqirib qo‘yishi kerak” deb hisoblaydi. “Aks holda, Venediktovni javobgarlikka tortuvchilar topiladi”, — deya qo‘shimcha qildi u.
Izoh (0)