Rossiya prezidenti Vladimir Putinning 15-yanvar kuni Ostona (Qozog‘iston)da Donbassdagi nizolarga barham berish bo‘yicha “normandcha format”da bo‘lib o‘tadigan kontakt guruhi uchrashuvida ishtirok etishi ekspertlarning dastlabki ishlari natijalariga bog‘liq bo‘ladi. Bu haqda prezident matbuot kotibi Dmitriy Peskovga tayanib, “Vedomosti” xabar berdi.
“Agar 15-yanvardagi uchrashuvga tayyorgarlik ishlari amaliy bosqichga o‘tsa, prezident Putinning unda qatnashishi haqida tegishli bayonotni beramiz; hozircha esa ekspert darajasida tayyorgarlik ishlari olib borilmoqda, bizning keyingi xatti-harakatlarimiz uning natijalariga bog‘liq”, — dedi Peskov.
Kontakt guruhida Ukraina prezidenti Pyotr Poroshenko, Germaniya kansleri Angela Merkel, Fransiya prezidenti Fransua Olland va Rossiya Federatsiyasi rahbari Vladimir Putin ishtirok etishi ko‘zda tutilgan.
Izoh (0)