Россия президенти Владимир Путиннинг 15 январь куни Остона (Қозоғистон)да Донбассдаги низоларга барҳам бериш бўйича «нормандча формат»да бўлиб ўтадиган контакт гуруҳи учрашувида иштирок этиши экспертларнинг дастлабки ишлари натижаларига боғлиқ бўлади. Бу ҳақда президент матбуот котиби Дмитрий Песковга таяниб, «Ведомости» хабар берди.
«Агар 15 январдаги учрашувга тайёргарлик ишлари амалий босқичга ўтса, президент Путиннинг унда қатнашиши ҳақида тегишли баёнотни берамиз; ҳозирча эса эксперт даражасида тайёргарлик ишлари олиб борилмоқда, бизнинг кейинги хатти-ҳаракатларимиз унинг натижаларига боғлиқ», — деди Песков.
Контакт гуруҳида Украина президенти Пётр Порошенко, Германия канцлери Ангела Меркель, Франция президенти Франсуа Олланд ва Россия Федерацияси раҳбари Владимир Путин иштирок этиши кўзда тутилган.
Изоҳ (0)