Qutqaruvchilar Yavan dengizida halokatga uchragan samolyotning qora qutilari joylashgan joyni aniqladi, deya xabar bermoqda “Exo Moskvi” Indoneziya hukumati bayonotiga tayanib.
Ayni paytda qidiruv operatsiyasining barcha kuchlari aerobusning dum qismini topishga yo‘naltirilgan, u avvalroq laynerning 5 ta yirik siniqlari topilgan joyga yaqindir. Qutqaruvchilar fikricha, samolyotning aynan dum qismida bort o‘ziyozarlari joylashgan. Hozircha qidiruv ishlari noqulay ob-havo sharoiti tufayli qiyin kechmoqda.
Avvalroq AirAsia samolyoti qulagan joydan 30 kishining jasadi topilgani ma’lum qilingan edi.
28-dekabrga o‘tar kechasi Indoneziyaning Surabaya shahridan Singapurga yo‘l olgan Malayziyaning AirAsia kompaniyasiga tegishli Airbus 320-200 samolyoti yo‘qolib qoldi.
Indoneziya transport vazirligi vakili so‘zlariga ko‘ra, Jakartadagi havo harakati ustidan nazorat xizmatining layner bilan aloqasi mahalliy vaqt bilan 6:17 (Toshkent vaqti bilan 4:17) da uzilib qolgan.
Samolyotda jami 155 yo‘lovchi bo‘lib, ularning 149 nafari indoneziyalik, uch nafari koreyalik, bir nafari britaniyalik va yana biri malayziyalikdir.
Izoh (0)