Qoraqalpog‘iston Respublikasi, viloyatlar va Toshkent shahridagi O‘zbekiston Respublikasi Oliy Majlisi Qonunchilik palatasiga deputatlar saylovini o‘tkazuvchi 22 ta saylov okrugida, shuningdek mahalliy davlat hokimiyati vakillik organlariga deputatlar saylovini o‘tkazuvchi 480 ta saylov okrugida takroriy ovoz berish jarayoni yakunlandi. Bu haqda Markaziy saylov komissiyasi matbuot xizmati xabar berdi.
Xabarda aytilishicha, saylovchilar asosiy saylovda bo‘lgani kabi yuksak faollik namoyon etdi.
Mazkur tadbirda siyosiy partiyalarning 5700 dan ortiq kuzatuvchilari va vakolatli vakillari ishtirok etishi esa takroriy ovoz berish jarayonining ochiq va oshkora o‘tkazilishida muhim omil bo‘ldi.
Eslatib o‘tamiz, takroriy ovoz berishda ishtirok etgan saylovchilarning ovozini boshqa nomzodga nisbatan ko‘proq olgan deputatlikka nomzod saylangan, deb hisoblanadi.
Takroriy ovoz berish natijalariga ko‘ra saylangan O‘zbekiston Respublikasi Oliy Majlisi Qonunchilik palatasi deputatlarining ro‘yxati matbuotda e’lon qilinadi.
Izoh (0)