Қорақалпоғистон Республикаси, вилоятлар ва Тошкент шаҳридаги Ўзбекистон Республикаси Олий Мажлиси Қонунчилик палатасига депутатлар сайловини ўтказувчи 22 та сайлов округида, шунингдек маҳаллий давлат ҳокимияти вакиллик органларига депутатлар сайловини ўтказувчи 480 та сайлов округида такрорий овоз бериш жараёни якунланди. Бу ҳақда Марказий сайлов комиссияси матбуот хизмати хабар берди.
Хабарда айтилишича, сайловчилар асосий сайловда бўлгани каби юксак фаоллик намоён этди.
Мазкур тадбирда сиёсий партияларнинг 5700 дан ортиқ кузатувчилари ва ваколатли вакиллари иштирок этиши эса такрорий овоз бериш жараёнининг очиқ ва ошкора ўтказилишида муҳим омил бўлди.
Эслатиб ўтамиз, такрорий овоз беришда иштирок этган сайловчиларнинг овозини бошқа номзодга нисбатан кўпроқ олган депутатликка номзод сайланган, деб ҳисобланади.
Такрорий овоз бериш натижаларига кўра сайланган Ўзбекистон Республикаси Олий Мажлиси Қонунчилик палатаси депутатларининг рўйхати матбуотда эълон қилинади.
Изоҳ (0)