22-dekabr, dushanba va 23-dekabr, seshanba kunlari O‘zbekistonning ayrim aeroportlarida ba’zi aviareyslarning kechikishi qayd etildi, deya xabar bermoqda “Gazeta.uz”. Bunday vaziyat har yili qish oylarida kuzatiladi.
22-dekabr kuni tongda tuman tufayli Milliy aviakompaniyaning Toshkentdan Andijon va Navoiyga reyslari kechikib uchib ketdi.
22-dekabrdan 23-ga o‘tar kechasi va 23-dekabr kuni tongda tuman tufayli Toshkent aeroportida havo kemalarini uchirish va qabul qilish vaqtinchalik to‘xtatildi.
Xususan, Buxoroga va Andijonga parvoz qiluvchi reyslar tungi vaqtdan ertalabki vaqtga qoldirildi. Birinchi reysning kechikishi natijasida Buxorodan Toshkentga qaytuvchi reys ham boshqa vaqtga qoldirildi.
“Aeroflot”ning tungi Moskva—Toshkent reysi Bishkekka yo‘naltirildi. “O‘zbekiston havo yo‘llari” tomonidan amalga oshiriladigan Krasnodar—Toshkent reysi esa deyarli olti soat kechikib yetib keldi.
Izoh (0)