“Toshkent” xalqaro aeroportiga “O‘zbekiston havo yo‘llari” Milliy aviakompaniyasining yo‘lovchi samolyotidan yuk havo kemasiga aylantirilgan ikkinchi Boeing-767-300BCF yuk samolyoti yetib keldi. Bu haqda “Podrobno.uz” xabar bermoqda.
Birinchisi kabi ushbu samolyot ham “O‘zbekiston havo yo‘llari” MAK va Boeing kompaniyasi o‘rtasidagi ikkita Boeing-767-300ER yo‘lovchi samolyotini Boeing-767-300BCF yuk havo kemasiga aylantirish bo‘yicha loyihani amalga oshirish doirasida tayyorlandi.
Nashrning ta’kidlashicha, xalqaro amaliyot shuni ko‘rsatadiki, yo‘lovchi laynerlarini yuk laynerlari sifatida qayta jihozlash havo kemalaridan foydalanishni davom ettirishning eng samarali yo‘lidir.
Qayta jihozlangan yuk laynerlarida “Navoiy” xalqaro aeroportidan Dubay, Tyan-Szin, Frankfurt, Aktobe va Dehliga reyslarni amalga oshirish rejalashtirilmoqda.
Izoh (0)