“Yangiariq avtomobilchi” MChJda yengil taksi mashinalarini talab darajasida jihozlashga alohida e’tibor qaratilmoqda, deb xabar beradi O‘zbekiston avtomobil va daryo transport agentligi.
Xorazm viloyatidagi “Yangiariq avtomobilchi” MChJ o‘z tasarrufidagi va ijaraga olingan yo‘nalishsiz taksi mashinalarini O‘zbekiston Respublikasi Vazirlar Mahkamasining 2011-yil 18-maydagi “Yo‘nalishsiz taksilar faoliyatini tartibga solish chora-tadbirlari to‘g‘risida”gi 139-son qarori talablariga muvofiq jihozlagan holda xizmat ko‘rsatmoqda. Korxonada jami 50 ta yengil taksi mashinasi bo‘lib, ularning barchasi Qarorda belgilanganidek sariq rangga bo‘yalgan va maxsus seriyadagi davlat raqam belgilari bilan ta’minlanib, litsenziya varaqalari olingan. Bundan tashqari, avtomobillarga taksometr, terminal va radioaloqa kabi majburiy texnik jihozlar ham o‘rnatilgan.
Ta’kidlash joizki, “Yangiariq avtomobilchi” MChJda xizmat sifatini yanada yaxshilash maqsadida avtotransport parkini yangilash chora-tadbirlari amalga oshirilmoqda.
Joriy yilda korxona bank krediti hisobiga O‘zbekistonda ishlab chiqarilgan Chevrolet Cobalt rusumli avtomobillardan to‘rt dona xarid qildi.
Izoh (0)