«Янгиариқ автомобилчи» МЧЖда енгил такси машиналарини талаб даражасида жиҳозлашга алоҳида эътибор қаратилмоқда, деб хабар беради Ўзбекистон автомобиль ва дарё транспорт агентлиги.
Хоразм вилоятидаги «Янгиариқ автомобилчи» МЧЖ ўз тасарруфидаги ва ижарага олинган йўналишсиз такси машиналарини Ўзбекистон Республикаси Вазирлар Маҳкамасининг 2011 йил 18 майдаги «Йўналишсиз таксилар фаолиятини тартибга солиш чора-тадбирлари тўғрисида»ги 139-сон қарори талабларига мувофиқ жиҳозлаган ҳолда хизмат кўрсатмоқда. Корхонада жами 50 та енгил такси машинаси бўлиб, уларнинг барчаси Қарорда белгиланганидек сариқ рангга бўялган ва махсус сериядаги давлат рақам белгилари билан таъминланиб, лицензия варақалари олинган. Бундан ташқари, автомобилларга таксометр, терминал ва радиоалоқа каби мажбурий техник жиҳозлар ҳам ўрнатилган.
Таъкидлаш жоизки, «Янгиариқ автомобилчи» МЧЖда хизмат сифатини янада яхшилаш мақсадида автотранспорт паркини янгилаш чора-тадбирлари амалга оширилмоқда.
Жорий йилда корхона банк кредити ҳисобига Ўзбекистонда ишлаб чиқарилган Chevrolet Cobalt русумли автомобиллардан тўрт дона харид қилди.
Изоҳ (0)