2025-yil 1-iyundan boshlab O‘zbekiston Respublikasi va Xitoy Xalq Respublikasi o‘rtasida vizasiz rejim to‘g‘risidagi bitim kuchga kiradi. Unga muvofiq, ikki mamlakat fuqarolari 30 kungacha vizasiz sayohat qilish huquqiga ega bo‘ladilar.
Aholi va xorijiy mehmonlar uchun yanada qulay sharoitlar yaratish maqsadida, 2-iyundan boshlab NBU’ning Toshkent shahrida joylashgan barcha valyuta ayirboshlash shoxobchalarida, Xitoy yuanini (CNY) sotib olish va sotish amaliyotlari yo‘lga qo‘yiladi.
Shu bilan birga, Toshkent xalqaro aeroportida joylashgan ayirboshlash shoxobchalari kecha-yu kunduz ishlaydi va uchib ketish hamda uchib kelish hududlarida joylashgan bo‘lib, bu mijozlarga sayohatning barcha bosqichlarida qulay xizmat ko‘rsatishni ta’minlaydi. Sayohatchilar uchishdan oldin yuan sotib olishlari va qaytishda qolgan valyutani ayirboshlashlari mumkin.
O‘zbekiston Milliy banki bank xizmatlarini yanada qulay va hamyonbop qilish orqali moliyaviy xizmat sifatini yaxshilash hamda tashqi iqtisodiy va sayyohlik faoliyatini qo‘llab-quvvatlashda davom etmoqda.
O‘zbekiston Milliy banki — doimo siz bilan birga.
Batafsil nbu.uz saytida.
Reklama huquqi asosida.
Izoh (0)