Xalqaro bolalarni himoya qilish kuni arafasida “LUKOIL” kompaniyasi ko‘magida “Xalqlar do‘stligi” maydonida har yili o‘tkaziladigan “Yosh iste’dodlar” konserti bo‘lib o‘tdi. Kechaning bosh qahramonlari bolalar - yosh ijrochilar, musiqa maktablari talabalari, bolalar ijodiyoti studiyalari tarbiyalanuvchilari edi.
Mamlakatimizning asosiy konsert zali yonidagi sahnada yosh ijrochilarning jarangdor ovozlari yangradi, Uspenskiy nomidagi musiqa maktabi orkestri ijrosida mumtoz musiqa yangradi, sevimli milliy lazgidan tortib dinamik xip-xopgacha turli janrlarda raqslar taqdim etildi.
Har bir chiqish olqishlar bilan yakunlandi - raqslar, qo‘shiqlar va teatrlashtirilgan tomoshalar. Bayram musaffo osmonga havo sharlarini uchirish bilan yakunlandi, ular bilan birga butun dunyo bolalariga tinchlik va ezgulik tilaklari uchdi.
Yosh isteʼdodlar festivali “LUKOIL” ko‘magida oltinchi bor o‘tkazilmoqda. Yosh ijrochilar uchun unda ishtirok etish professional sahnada o‘zini tanittirish, o‘z kuchiga ishonish, ilk muxlislari mehrini qozonish imkoniyatidir. Konsert ishtirokchilariga “LUKOIL” kompaniyasining esdalik sovg‘alari topshirildi.
“Mening qizlarim o‘tgan yili “Yosh iste’dodlar”da chiqish qilishdi va bu ular uchun ajoyib voqea va yangi chiqishlarga tayyorgarlik ko‘rishga, yangi raqslarni o‘rganishga turtki bo‘ldi. Ular yana haqiqiy san’atkorlar kabi chiqish qilish imkoniyatini intiqlik bilan kutishardi! Farzandlarimizga ushbu bayram tashkili uchun, mashhur bo‘lish hamda o‘z iste’dodi va kuchiga ishonch hosil qilish imkoniyati uchun "LUKOIL" kompaniyasiga o‘z minnatdorchiligimni bildirmoqchiman!”, tomoshabin Aziza Haydarova o‘z taassurotlari bilan o‘rtoqlashdi.
Ushbu kunda g‘amxo‘rlikka muhtoj bolalarga alohida e’tibor qaratildi. Konsertga Mehribonlik uylari va maxsus maktab-internat tarbiyalanuvchilari taklif etilib, chiqishlarni zavq bilan tomosha qilishdi. Ularning tabassumi bayramning asosiy bezakiga aylandi.
Bolalarni himoya qilish kuni butun dunyoda barcha kattalarga har bir bolaning bolalik chog‘ini baxtli qilish burchini eslatish maqsadida nishonlanadi. Ushbu bayram barcha bolalarga o‘ziga xos ishtirok, g‘amxo‘rlik va mehr kuniga aylandi.
Yosh avlod kelajagi uchun mas’ul bo‘lgan kattalarning mehr va g‘amxo‘rligi bayrog‘i ostida bolalar orzulari ushalmoqda.
“LUKOIL” O‘zbekistonda bolalar sporti, madaniyati va ta’limini rivojlantirish bo‘yicha loyihalarni, jumladan, ayniqsa, ijtimoiy himoya va g‘amxo‘rlikka muhtoj bolalarga qaratilgan loyihalarni faol qo‘llab-quvvatlaydi. LUKOILning O‘zbekistondagi eng yirik ijtimoiy loyihasi uchta bolalar bog‘chasi: Qibray tumanida (150 o‘rinli) va Qarshi shahrida (150 o‘rinli) IMKON reabilitatsiya markazlariga ega ikkita davlat ko‘p tarmoqli bolalar bog‘chasi, shuningdek, Buxoro shahridagi “Qandimcha” bolalar bog‘chasi (250 o‘rinli) qurilishi hisoblanadi. Yiliga 550 tagacha bolani qabul qiladi. Bundan tashqari, har bir IMKON reabilitatsiya markazida yiliga 2,6 mingga yaqin imkoniyati cheklangan bolaga malakali tibbiy yordam ko‘rsatilmoqda.
Reklama huquqi asosida.
Izoh (0)