Toshkent shahridagi Next Mall savdo markazida 2014-yil 20-dekabrdan Ice Rink nomli yangi muz maydoni ish boshladi. Bu haqda UzDaily xabar bermoqda.
Qayd etilishicha, bir soatlik muzda uchish narxi soat 10:00 dan 18:00 gacha kattalar uchun 20 ming so‘m, bolalar uchun 12 ming so‘m, soat 18:00 dan 20:00 gacha esa kattalar uchun 24 ming so‘m, bolalar uchun 15 ming so‘mni tashkil qiladi. Dam olish kunlari soat 10:00 dan 23:00 gacha kattalar uchun 24 ming so‘m, bolalar uchun 15 ming so‘mni tashkil etadi.
12 ta mashg‘ulotni o‘z ichiga oluvchi oylik abonementning narxi kattalar uchun 150 ming so‘m, bolalar uchun esa 120 ming so‘m etib belgilangan. 30 daqiqalik instruktor xizmati 20 ming so‘mni, muzda uchish jihozlari ijarasi ham 20 ming so‘mni tashkil qiladi. Shuningdek, figurali uchish va xokkey bo‘yicha mashg‘ulotlar tashkil etilishi ham ko‘zda tutilgan.
Izoh (0)