Тошкентда Ice Rink номли янги муз майдони очилди

Тошкент шаҳридаги Next Mall савдо марказида 2014 йил 20 декабрдан Ice Rink номли янги муз майдони иш бошлади. Бу ҳақда UzDaily хабар бермоқда.

Қайд этилишича, бир соатлик музда учиш нархи соат 10:00 дан 18:00 гача катталар учун 20 минг сўм, болалар учун 12 минг сўм, соат 18:00 дан 20:00 гача эса катталар учун 24 минг сўм, болалар учун 15 минг сўмни ташкил қилади. Дам олиш кунлари соат 10:00 дан 23:00 гача катталар учун 24 минг сўм, болалар учун 15 минг сўмни ташкил этади.

12 та машғулотни ўз ичига олувчи ойлик абонементнинг нархи катталар учун 150 минг сўм, болалар учун эса 120 минг сўм этиб белгиланган. 30 дақиқалик инструктор хизмати 20 минг сўмни, музда учиш жиҳозлари ижараси ҳам 20 минг сўмни ташкил қилади. Шунингдек, фигурали учиш ва хоккей бўйича машғулотлар ташкил этилиши ҳам кўзда тутилган.