O‘zbekistonda Xalqaro nogironlar kuni munosabati bilan 30-noyabrdan 30-dekabrga qadar Mehr-muruvvat oyligi o‘tkazilmoqda, deya xabar berdi O‘zA.
Oylik davomida hamda 2015-yil davomida har bir tuman va shaharda kamida beshtadan jami 965 ta markaziy chorrahani nogironlar to‘sqinliksiz harakatlanishi nuqtai nazardan qayta ta’mirlash va maxsus vositalar bilan jihozlash yuzasidan ehtiyojni aniqlab, loyiha-smeta hujjatlarini tuzish va amalga oshirish vazifasi belgilangan.
Shuningdek, hududlarda nogironlar kirishi va foydalanishi uchun qulay sharoit yaratilgan ijtimoiy infratuzilma obyektlari ko‘rik-tanlovini o‘tkazish rejalashtirilgan.
Oylik doirasida nogironlarga reabilitatsiya va ortopediya vositalarini yetkazib berish borasida ham maxsus loyiha amalga oshirilayotir. Loyiha davomida 190 nogironga aravacha, 965 nafar nogironga eshitish moslamasi, 4 ming dona hassa, 3,8 mingta qo‘ltiqtayoq hamda 4 mingga yaqin ko‘zi ojizlar uchun maxsus yig‘ma hassani bepul ajratish rejalashtirilgan.
Izoh (0)