Ўзбекистонда Халқаро ногиронлар куни муносабати билан 30 ноябрдан 30 декабрга қадар Меҳр-мурувват ойлиги ўтказилмоқда, дея хабар берди ЎзА.
Ойлик давомида ҳамда 2015 йил давомида ҳар бир туман ва шаҳарда камида бештадан жами 965 та марказий чорраҳани ногиронлар тўсқинликсиз ҳаракатланиши нуқтаи назардан қайта таъмирлаш ва махсус воситалар билан жиҳозлаш юзасидан эҳтиёжни аниқлаб, лойиҳа-смета ҳужжатларини тузиш ва амалга ошириш вазифаси белгиланган.
Шунингдек, ҳудудларда ногиронлар кириши ва фойдаланиши учун қулай шароит яратилган ижтимоий инфратузилма объектлари кўрик-танловини ўтказиш режалаштирилган.
Ойлик доирасида ногиронларга реабилитация ва ортопедия воситаларини етказиб бериш борасида ҳам махсус лойиҳа амалга оширилаётир. Лойиҳа давомида 190 ногиронга аравача, 965 нафар ногиронга эшитиш мосламаси, 4 минг дона ҳасса, 3,8 мингта қўлтиқтаёқ ҳамда 4 мингга яқин кўзи ожизлар учун махсус йиғма ҳассани бепул ажратиш режалаштирилган.
Изоҳ (0)