“O‘zbekyengilsanoat” davlat aksiyadorlik kompaniyasi korxonalari 2015-yil 1-yanvardan o‘zlari ishlab chiqarayotgan tayyor to‘qimachilik mahsulotlarining 80 foizini majburiy eksport qilishdan ozod etildi. Bu haqda O‘zbekiston Prezidenti Islom Karimov qaroriga tayanib, “RIA Novosti” xabar bermoqda.
“O‘zbekyengilsanoat” vakilining agentlikka ma’lum qilishicha, ushbu chora-tadbir tashqi bozorlarda, asosan MDH bozorlarida talab kamligi bilan bog‘liq. Majburiy eksportning bekor qilinishi kompaniyaning to‘qimachilik korxonalariga ishlab chiqarilayotgan mahsulotlarni ichki bozorga yetkazib berishni ko‘paytirish uchun imkon beradi, shu tariqa yuzaga kelgan sharoitda moliyaviy talafot kelib chiqmaydi.
Izoh (0)