Abacus Emerging Markets Angliya-Avstraliya investitsion-bank kompaniyasi va O‘zbekistonning “Parrandasanoat” uyushmasi o‘zaro hamjihatlik haqida memorandum imzoladi, deya xabar bermoqda UzDaily.
Hujjat tomonlarning O‘zbekistonda parranda go‘shti ishlab chiqarishni ko‘paytirish uchun hamkorlik qilishini nazarda tutadi.
Tomonlar ichki talabni qondirish uchun ushbu sohaga hamkorlikda xalqaro kompaniyalar, mahalliy biznes sheriklar, investorlar va yangi texnologiyalarni jalb qiladi.
Abacus Emerging Markets boshqaruvchi direktori Torsten Byoler O‘zbekistonda parrandachilik qishloq xo‘jaligining eng jadal rivojlanayotgan jabhalardan biri ekanligini ta’kidladi.
“Parrandasanoat” uyushmasi raisi Akmaljon Isaboyev so‘zlariga ko‘ra, O‘zbekiston mahalliy bozorda o‘z ulushini ko‘paytirishga va mintaqada parrandachilik mahsulotlari bo‘yicha yetakchi eksportchiga aylanishga harakat qilmoqda.
Izoh (0)