O‘zbekiston hukumati 2015-yil 1-yanvaridan jismoniy shaxslarning mol-mulkiga solinadigan yangi soliq stavkasini belgiladi, deya xabar bermoqda UzDaily.
Yangi stavkalar O‘zbekiston Prezidenti Islom Karimovning 2014-yil 4-dekabrdagi “O‘zbekiston Respublikasining 2015-yilgi asosiy makroiqtisodiy ko‘rsatkichlari prognozi va Davlat byudjeti parametrlari to‘g‘risida”gi qarori (pdf) bilan belgilandi.
Jismoniy shaxslarning mol-mulkiga solinadigan soliq stavkasi mol-mulk inventarizatsiya narxining 1,2 foizidan 1,3 foizigacha o‘sdi. Shaharlarda joylashgan umumiy maydoni 200 kvadrat metrdan ortiq dala hovlilar, garajlar va boshqa inshootlar, binolar bundan mustasno.
Hujjatda qayd etilishicha, shaharlarda joylashgan umumiy maydoni 200 dan ortiq va 500 kvadrat metrgacha bo‘lgan turar joylar va kvartiralar uchun stavka 1,4 foizdan 1,6 foizgacha o‘sdi. 500 kvadrat metrdan ziyod maydonga ega bo‘lganlari uchun esa 1,8 foizdan 2,2 foizgacha oshdi.
Jismoniy shaxslar mol-mulklarini baholash bo‘yicha organlar tomonidan aniqlangan inventarizatsiya qiymati mavjud bo‘lmagan hollarda, soliq undirish uchun mol-mulklarning shartli narxlari Toshkent shahri va viloyat markazlarida 20,328 million so‘m (2014-yilda — 18,48 million so‘m), boshqa shaharlar va qishloq joylarda esa — 8,833 million so‘m (2014-yilda — 8,03 million so‘m) deb olinadi.
Izoh (0)