Hindistonning Goa shtatidan Ufaga qaytayotgan rossiyalik sayyohlar samolyot bortida mushtlashib ketishiga oz qoldi, deb yozadi “Vesti.ru”. Voqea 26-noyabr kuni sodir bo‘ldi, janjal aks etgan video esa tez orada internetda tarqalib ketdi, uni guvohlardan biri suratga olgan.
Guvohning qayd etishicha, yo‘lovchilardan biri mast holatda bo‘lgan, u o‘z hamrohini mushtlashishga da’vat etgan. Aviakompaniya ishchilari ba’zi yo‘lovchilar yordamida ularni ajratib, to‘polonchini boshqa salonga o‘tkazgan.
Biroq layner Ufaga kelib qo‘ngach, aeroportda mushtlashuv qayta boshlangan. Shunda voqeaga aeroport xavfsizlik xizmati xodimlari ham aralashgan. Bezori yo‘lovchiga uning sevgan qizi hamrohlik qilgan, biroq u yigitni tinchlantirish o‘rniga uning raqiblariga tahdid etgan.
Videorolik muallifi yo‘lovchining samolyot bortida o‘zini bunday tutishiga yo‘l qo‘yib bo‘lmasligini ta’kidlab, aviakompaniyalarni parvozdan so‘ng bezori yo‘lovchilarni politsiyaga topshirishga chaqirgan.
Izoh (0)