Janubiy Koreya hukumati KXDR bilan chegara yaqinida yana Rojdestvo archasini o‘rnatmoqchi, deya xabar bermoqda Interfax.
Janubiy Koreya mudofaa vazirligi vakili Kim Min Sok so‘zlariga ko‘ra, avvalroq olib tashlangan archa ikki hafta ichida yana o‘z joyiga qaytariladi.
Rojdestvo timsolini qayta tiklash rejasi vazirlikka mamlakatda diniy erkinlikni ta’minlash bilan shug‘ullanuvchi Nasroniylik jamiyati tomonidan taklif etildi.
Avvalroq Pxenyan Rojdestvo archasi o‘rnatilishini harbiy targ‘ibot deb atagan edi. Oktabrda chegaradan uch kilometr masofada joylashgan archa Janubiy Koreya va ateistik KXDR o‘rtasidagi tanglik kuchaygani tufayli olib tashlangan edi.