YuKOS sobiq rahbari Mixail Xodorkovskiy Rossiyaga qarshi iqtisodiy sanksiyalarni bema’ni deb atadi, deya xabar bermoqda Interfax.
“Rossiyaga qarshi sanksiyalar kiritilishini katta siyosiy xato deb hisoblayman, — dedi Xodorkovskiy 2-dekabr, seshanba kuni Yevroparlamentda. — Ularning qisqa muddatli va dargumon samarasi yaqin orada sezilishi mumkin, biroq u keljakda ortig‘i bilan qoplanib ketadi”.
Xodorkovskiy yevropalik siyosatchilarni sanksiyalar tufayli Rossiya va Yevropa o‘rtasidagi madaniy va ilmiy aloqalarga putur yetkazmaslikka chaqirdi.
U Rossiya tashqi siyosatini, jumladan Moskvaning Ukrainadagi tanglikka nisbatan pozitsiyasini, shuningdek Qrimni qo‘shib olishini tanqid ostiga olish bilan birga, Yevropani Rossiyaga nisbatan oqilona va odilona siyosat qo‘llashga da’vat etdi.
Izoh (0)