Janubiy Koreyada monopod — fotokamera yoki smartfon uchun mo‘ljallangan shtativ (selfi-stik)dan foydalanish taqiqlandi, deya xabar bermoqda “Rossiyskaya gazeta”. Bunday harakat jinoyat deb hisoblanib, uch yillik qamoq yoki 30 million von (27 ming dollar) jarima bilan jazolanadi.
Selfi-stikga gadjet bilan ulanish uchun Bluetooth moduli o‘rnatilgan bo‘lib, aynan shunga Koreya hukumati qarshi chiqdi.
“Bunday qurilmalar telekommunikatsion uskunalar hisoblanadi, ulardan ajralib chiqayotgan elektromagnit nurlanish darajasi tegishli ravishda tekshirilishi va sertifikatlanishi kerak”, — deya aniqlik kiritdi Janubiy Koreya ilm-fan vazirligi vakili.
Vazirlik saytida telefon raqami e’lon qilingan bo‘lib, u orqali selfi-stikdan foydalanganlar haqida xabar berish mumkin.
Izoh (0)