Saudiya qirollik oilasi a’zosi go‘yoki 2001-yil 11-sentabrdagi teraktlarni moliyalashtirishda qatnashgan. Bunday bayonot bilan ushbu teraktlarga aloqadorligi uchun AQShning Kolorado shtati qamoqxonasida o‘z muddatini o‘tayotgan 46 yoshli Fransiya fuqarosi Zakariya Mussaui chiqish qildi, deb yozadi “TASS”.
Sentabr oyida Mussaui Oklaxoma-Siti shahar sudiga maktub yuborib, ushbu shtatdagi Norman shahri yozgi maktabida o‘qishi xarajatlarini saudiyalik shahzoda to‘laganini aytgan. Mahbus “homiy” ismini oshkor qilmagan. Uning aytishicha, Saudiya qirollik oilasi a’zosi nafaqat uning o‘qishini, balki 11-sentabr kuni yo‘lovchi samolyotlarini olib qochgan qolgan 19 nafar terrorchilarni ham moliyalashtirgan.
Mussaui bu haqda sudda ko‘rsatma berishga tayyorligini aytdi, biroq mutaxassislar unga bunday imkoniyat berilishiga shubha qilmoqda, chunki bundan avval ham u bir-biriga zid bayonotlar bergan. Saudiya Arabistoni hukumati esa qirollikning teraktlarga har qanday aloqasini rad etmoqda.
Izoh (0)