AQShlik haydovchi sigaretdan kuyib qolishdan qo‘rqib, o‘zini-o‘zi bosib ketdi

Ismi oshkor qilinmayotgan amerikalik avtomobilchi sigaret bilan biror joyini kuydirib olishdan qo‘rqib, o‘zini bosib ketdi. Bu haqda Detroit Free Press xabar bermoqda.

Hodisa AQShning Kolorado shtati Orora shahrida sodir bo‘ldi. Haydovchi parkovkada to‘xtash uchun mashinasini orqaga oladi. Shu paytda uning og‘zidan tutab turgan sigaret tushib, kiyimi ichiga kirib qoladi. Buni his qilib, u orqaga harakatlanayotgan mashinadan sakrab tushadi va yerga yiqiladi. Natijada avtomobilning old g‘ildiragi uning boshini bosib ketadi.

Haydovchini kasalxonaga yetkazishdi, ayni paytda uning ahvoli og‘ir deb baholanmoqda. Haydovchining old o‘rindiqda bo‘lgan qarindoshi jabr ko‘rmagan.