Yangi webOS tizimi Smart televizorlarini yangi funksiyalar va imkoniyatlar hisobiga oddiyroq, tushunarliroq va foydalanish uchun qulayroq qiladi.
LG’ning loyihachi muhandislari butunlay yangi, optimallashtirilgan grafika va intuitiv tushunarli tuzilmaviy interfeysni taklif qildi. Bu bilan foydalanuvchilar uchun anchagina qulaylik yaratadigan yangi funksiyalar ishga tushirildi.
Yangi webOS operativ tizimi televizor ko‘rishni Magic Remote innovatsion pultiga bir-ikki qo‘l tekkizish bilan kifoyalanish darajasida soddalashtiradi. LG’ning yangi webOS tizimi ko‘p topshiriqni amalga oshirish va bir vaqtning o‘zida bir qancha dasturlarni ishga tushirish imkonini beradi. WebOS’ning yana bir afzalligi — bu yangi dasturlarni ishlab chiqishni osonlashtiruvchi tizim ochiqligidir, buning evaziga turli-tuman qo‘shimcha servislarning paydo bo‘lishini kutish mumkin.
Platforma interfeysi esa o‘ta sodda, tushunarli ekanligiga qaramay, funksional imkoniyatlari juda ko‘p bo‘lib, ular xalqaro miqyosda tan olindi. Foydalanuvchiga yuqori darajada tushunarli bo‘lgan interfeys uchun kompaniyaga nufuzli Red Dot Awards — 2014 sovrini topshirildi.
Televizorga innovatsion qo‘shimcha bo‘lgan webOS kontent manbalarining qay biri bo‘lishidan qat’iy nazar, biridan ikkinchisiga yengil va oson o‘tishga imkon beradi. Kontent lineykasini tashkil etuvchi barcha qo‘shimcha rangli dasturlar ixcham va qulay tarzda televizor paneliga joylashtirilgan. Bu esa Smart TV’ga kerakli xizmat va dasturlarga, shu jumladan Netflix, YouTube, CinemaNow, Skype, Facebook, Instagram, Amazon kabi kontent tanlovlariga zudlik bilan ulanish imkonini beradi.
LG’ning webOS platformasi animatsiyalashgan qahramon BeanBird yordamida kontent qidiruvini yengilroq qiladi, boshlang‘ich o‘rnatish va ulanish jarayoni ham unchalik mashaqqatli bo‘lmaydi. Ushbu ajoyib “televizion gid” bilan tanishuv webOS asosidagi televizor “On” holatiga kiritilishi bilan amalga oshadi. Keyinchalik virtual yordamchining maslahati yana kerak bo‘lib qolsa, Magic Remote pultini shunchaki silkitish yoki “OK” tugmachasini bosishning o‘zi yetarli bo‘ladi.
WebOS tizimining o‘ziga xosligi unga yangi menyu paneli (Launcher) qo‘yilganligidir. Mazkur panel yordamida televizor ko‘rsatuvlari rejimi, Smart TV kontenti va tashqi to‘plovchilardagi mediafayllar bilan ishlashlar orasida biridan-ikkinchisiga uy paneliga qaytmasdan turib o‘tish mumkin bo‘ladi.
Izoh (0)