Apple kompaniyasining ilk yig‘ma ko‘rinishdagi kompyuterlaridan biri Nyu-Yorkda Bonhams auksion uyi tomonidan tashkil qilingan kimoshdi savdosida 905 ming dollarga sotildi. Bu haqda “TASS” xabar berdi.
Apple-1 markasidagi ushbu kompyuter 1976-yilda kompaniya asoschilaridan biri Stiv Voznyak tomonidan tayyorlangan shunday turdagi qurilmalarning birinchi partiyasiga tegishli bo‘lgan. 50 ta Apple-1 kompyuterlari firmaning yana bir asoschisi Stiv Jobsning ota-onasiga tegishli uy garajida bir guruh maslakdoshlar tomonidan yig‘ilgan.
Bu kimoshdi savdosiga qo‘yilgan birinchi Apple-1 kompyuteri emas. 2012—2013-yillarda haligacha ishlaydigan oltita nodir kompyuterlardan uchtasi auksionda sotilgan.
Izoh (0)