Toshkent hokimiyati noyabrdan bir oyga rejalashtirilgan poytaxt ko‘chalaridagi qurilish va ta’mirlash ishlari ro‘yxatini e’lon qila boshlaydi. Bu haqda hokimiyat axborot xizmati rahbari Husan Ermatovga tayanib Gazeta.uz xabar berdi.
Ayni paytda hokimiyat tegishli idoralar bilan aholini xabardor qilish uchun turli xizmtlardan axborot yig‘ish imkoniyatini beruvchi tizimni ishlab chiqmoqda.
“1-noyabrdan bir oy uchun mo‘ljallangan shahardagi ta’mirlash ishlari, bu ishlarni amalga oshirayotgan tashkilotlar, olib borilayotgan ishlar sabablari va ularni bajarish muddati haqida hokimiyat sayti — Tashkent.uz’da xabar berib boriladi”, — deya ta’kidladi Husan Ermatov.
Izoh (0)