Britaniya bosh vaziri Devid Kemeron Shotlandiya mustaqilligi tarafdorlariga Buyuk Britaniyada hukumatning joylardagi organlariga vakolatlar berish jarayonini davom ettirish haqidagi muzokaralarda qatnashishni taklif qildi. Buyuk Britaniya yaxlitligi tafardorlari yutib chiqqan referendum natijalarini sharhlar ekan, bosh vazir bu haqda aytib o‘tdi, deb yozadi “ITAR-TASS”.
Uning aytishicha, Shotlandiya milliy partiyasi yetakchisi Aleks Salmond uning taklifini qabul qilgan.
Bosh vazir, shuningdek Shotlandiya hukumati vakolatlarini kengaytirish haqidagi qarorni Britaniya parlamentining 2015-yildagi saylovlar natijasiga ko‘ra shakllantiriladigan yangi tarkibi qabul qilishini ma’lum qildi. Kemeron Uels, Angliya va Shimoliy Irlandiyaga ham yanada ko‘proq vakolatlar taqdim etilishiga va’da berdi.
Uning so‘zlariga ko‘ra, vakolat berish haqidagi takliflar noyabrda tayyorlanadi, tegishli qonun loyihasi esa kelasi yilning yanvarida parlamentga kiritiladi.
Izoh (0)