1-oktabrdan O‘zbekiston aholisi va ulgurji iste’molchilarga beriladigan tabiiy gaz uchun Moliya vazirligi tomonidan tasdiqlangan yangi tariflar joriy qilinmoqda, deb xabar berdi “O‘zbekneftegaz” Milliy xolding kompaniyasi.
Yangi preyskurantga ko‘ra, aholiga beriladigan tabiiy gazning 1 kubometri hisoblagich bo‘lgan holda 165,24 so‘mdan 181,62 so‘mga yoki 9,9 foizga oshiriladi. Hisoblagich bo‘lmagan holda ovqat pishirish va issiq suv ta’minoti uchun ishlatiladigan gazning 10 kubometri 3140,85 so‘mni tashkil qiladi (joriy tarif — 2857,65 so‘m). Isitish uchun foydalaniladigan gazning 10 kubometri 1325,25 so‘mdan 1456,6 so‘mga oshadi.
Eslatib o‘tamiz, gaz tariflari bundan avval aprel oyida 8,9 foizga oshirilgan edi.
Eslatib o‘tamiz, 1-oktabrdan elektr energiyasi, issiq va sovuq suv to‘lovlari ham qimmatlashadi
Izoh (0)