13-avgust kuni “Общественный контроль” (“Jamoatchilik nazorati”) guruhida fohishalik va shu sohada ishlovchi ayollar mavzusi muhokama qilingan edi. O‘shanda guruh ishtirokchilaridan biri o‘zi istiqomat qiladigan tumanda mahalliy aholining osoyishtaligini buzayotgan yengiloyoq ayollardan shikoyat qilgandi, deb yozadi “Anhor” Uz24.uz’ga asoslanib.
Shu munosabat bilan nashr tahririyati fohishabozlikka qarshi kurashish borasida ko‘rilayotgan choralar haqidagi rasmiy so‘rov bilan O‘zbekiston IIV huzuridagi huquqbuzarliklar profilaktikasi Bosh boshqarmasiga murojaat qildi.
Olingan javobda quyidagi ma’lumotlar berilgan: Huquqni muhofaza qilish organlarining xodimlari Chilonzor tumanidagi 11-mavze hududida hamda Yunusobod va Mirzo Ulug‘bek tumanlari kesishgan joydagi “Boshpochtampt” binosi atrofida maxsus reydlarni o‘tkazdi. Ushbu reydlar davomida huquqni muhofaza qilish organlarining xodimlari tomonidan fohishabozlik bilan shug‘ullanuvchi 130 dan ortiq ayol ushlangan. Ularning hammasi teri-tanosil dispanseriga ko‘rikdan o‘tish uchun yuborilgan.
Ayni paytda hammomlar, saunalar, mehmonxonalar, klublar va boshqa joylarda jamoatchilik nazorati o‘rnatilmoqda. Bunday joylar soni 4258 ta obyektni tashkil etdi, deyiladi javob xatida.
Izoh (0)