Qashqadaryoda maxsus jihozlangan Damas avtomobillari bazasida yaratilgan yangi ko‘chma dorixonalar o‘z faoliyatini boshladi, deya xabar bermoqda “Pravda Vostoka”.
“Qashqadaryo dori-darmon” aksiyadorlik jamiyati vakili so‘zlariga ko‘ra, avtodorixonalarning muntazam harakati “Dori-darmon” aksiyadorlik kompaniyasining ijtimoiy loyihasi doirasida yo‘lga qo‘yilgan. Kompaniya mutaxassislari GM Uzbekistan muhandislari bilan hamkorlikda ko‘chma dorixonaning tajribaviy modelini ishlab chiqishdi. Respublikada bunday avtomobillardan 50 tasi ishlab chiqarilgan, ulardan beshtasi yaqindan boshlab Qashqadaryoning olis qishloqlariga qatnamoqda.
Ko‘chma dorixonalar dorilar uchun javonlar va portativ sovitgichlardan tashqari, kassa apparatlari va to‘lov terminallari bilan jihozlangan.
Endi olis qishloqlar fuqarolari bir necha yuz nomdagi dori vositalari va tibbiy buyumlar, shuningdek shifobaxsh o‘simlik damlamalarini pasaytirilgan narxlarda sotib olish imkoniyatiga ega bo‘ldi.
Izoh (0)