Turkiya hukumati ko‘chalarda tilanchilik qilishga nisbatan jarimalar va jinoiy javobgarlik joriy etdi, deya xabar bermoqda “ITAR-TASS”.Xavfsizlik bosh boshqarmasi tegishli farmoyishni tayyorlab, mamlakatdagi politsiya boshqarmalariga jo‘natdi.
So‘nggi yillarda Turkiyadagi yirik shaharlarda ko‘plab tilanchilar paydo bo‘lgan, deb yozadi nashr. Ko‘pincha ular tashkillashtirilgan guruhlar bo‘lib, mahalliy va suriyalik qochqin o‘smirlarni o‘z ichiga oladi. Katta shaharlarning markaziy tumanlaridagi chorrahalarda ular haydovchilar ruxsatisiz avtomobil oynalarini yuvishga urinadi va xiralik bilan pul tilab oladi.
Tilanchilarga qarshi choralar qo‘llash bo‘yicha faol muhokamalar Istanbulda yaqinda sodir bo‘lgan fojiadan so‘ng boshlandi: tilanchilar tomonidan qurshab olingan to‘y kortejidagi mashina ulardan birini bosib ketdi.
Endi politsiya yo‘llarda pul so‘rab olish bo‘yicha har qanday urinishlarga barham beradi. Turkiya uchun an’anaviy bo‘lgan, chorrahalarda suv, ro‘molcha, zaryadlash qurilmalari bilan savdo qilish taqiqlanadi. Qonunbuzarlar hibsga olinib, ma’muriy javobgarlikka tortiladi va 40 dollar miqdorida jarima to‘lashga majbur qilinadi.
Izoh (0)