AQShning WCIA telekanali boshlovchisi Deyv Benton yangiliklar ko‘rsatuvi boshida teletomoshabinlarga olti oydan kam umri qolganini ma’lum qildi. Bu haqda Korrespondent.net xabar berdi.
“Bir necha hafta avval menda miya saratoni qaytalanayotganidan xabar topdim”, — dedi u to‘g‘ridan-to‘g‘ri efir chog‘ida.
Bentonning aytishicha, yangi o‘smani operatsiya qilib bo‘lmaydi. Shifokorlar prognozlariga ko‘ra, u yana 4—6 oy yashashi mumkin.
Shu bilan birga teleboshlovchi imkoniyati boricha ishlashda davom etishini ta’kidladi.
“Meni qo‘llab-quvvatlayotganingiz, duolaringiz va otkritkalaringiz uchun rahmat. Ular men uchun juda muhim, bu hayotimni o‘zgartirib yubordi”, — dedi Benton.
Izoh (0)