Jamoatchilik palatasi kotibining o‘rinbosari Vladislav Grib Rossiya bosh vaziri Dmitriy Medvedevdan maktablar va bolalar kasalxonalarida gazlangan shirali ichimliklarni sotishni taqiqlab qo‘yishni so‘radi, deya xabar bermoqda “Izvestiya” nashri.
Hukumat rahbari nomiga yozgan xatida Grib koka-kola va boshqa shakarli alkogolsiz ichimliklar sotuvi voyaga yetmaganlar ota-onalar nazoratisiz sotib olish imkoniga ega muassasalarda man etilishi kerakligiga ishonch bildirgan.
“Har qanday shifokor tasdiqlashi mumkinki, shirali gazli ichimlikni tez-tez va ko‘p miqdorda ichish semirish, qandli diabet, oshqozon kasalliklari kabi sog‘liq bilan bog‘liq muammolarni keltirib chiqaradi”, — deya o‘z tashabbusiga oydinlik kiritdi Jamoatchilik palatasi vakili.Tashabbus muallifi kola savdosi Amerikaning qator shtatlarida qonuniy ravishda taqiqlanganini eslatib o‘tdi.
Grib Medvedevni RF Sog‘liqni saqlash vazirligiga kuchli gazlangan shirali ichimliklarni ishlab chiqarish, tarqatish va ulardan foydalanishni tartibga soluvchi huquqiy-me’yoriy hujjat loyihasini ishlab chiqishni topshirishga chaqirdi.
Sog‘liqni saqlash vazirligidagilar, bosh vazir tegishli buyruq bersa, ushbu masala o‘rganib chiqilishini aytdi.
Izoh (0)