Shu yilning 8-sentabr kuni o‘zining 61 yoshi arafasida Alisher Usmonov Toshkent markazidagi “Osiyo Grand” to‘yxonasida osh berdi. Bu haqda Inform.kz xabar bermoqda.
Ijtimoiy tarmoqlarda tarqalgan suratlar bayram kechasida Filipp Kirkorov, Mixail Shufutinskiy, Lev Leshchenko va boshqa mashhur qo‘shiqchilar qatnashgani, taniqli shoumen Ivan Urgant esa boshlovchilik qilganidan darak bermoqda.
Shayx Muhammad Sodiq Muhammad Yusuf ham shu kuni Alisher Usmonov mehmoni bo‘lib, milliarderga sovg‘a tariqasida to‘n kiydirdi.
Nashrning ta’kidlashicha, Usmonov Toshkentga “Bourkhan” degan yozuv tushirilgan shaxsiy samolyotida uchib kelgan. Milliarderning otasi ismi Burxon Usmonov ekanligini hisobga olib, samolyot uning nomi bilan atalganini taxmin qilish mumkin.
Alisher Usmonov 1953-yil 9-sentabrda Namangan viloyatining Chust shahrida tug‘ilgan. Otasi — Burxon Usmonov Toshkent shahar prokurori bo‘lgan.
2013-yilda Forbes jurnali biznesmenning davlatini 17,6 milliard dollarga baholagan.
Izoh (0)