Rossiyaning Kaliningrad viloyatida 35 yoshli fuqaro O‘zbekiston Respublikasi fuqarosini otib tashladi, deya xabar bermoqda Rossiya Federatsiyasi Tergov qo‘mitasi matbuot xizmati.
Hodisa yuzasidan jinoyat belgilari bo‘yicha jinoiy ish qo‘zg‘atildi. Tergov versiyasiga ko‘ra, 2014-yil 21-avgust kuni Guryevsk tumanidagi Pribrejnoye qishlog‘ida bir nafar kaliningradlik va besh nafar o‘zbekistonlik o‘rtasida maishiy negizda kelishmovchilik yuzaga keladi. Gumonlanuvchi o‘z avtomobili yukxonasidan ov qurolini olib, uni ikkita patron bilan o‘qlaydi va o‘z raqiblari oyog‘ini mo‘ljallab o‘t ochadi. Ikkinchi o‘q to‘g‘ri O‘zbekiston Respublikasining 37 yoshli fuqarosi qorniga borib tegadi. Olgan jarohati tufayli jabrlanuvchi kasalxonaga borish yo‘lida vafot etadi.
O‘ta og‘ir jinoyatni amalga oshirishda gumon qilinib, 35 yoshli erkak hibsga olindi. U bo‘lgan voqea yuzasidan o‘z aybini tan olib ko‘rsatmalar berdi, biroq o‘limga olib kelgan o‘qni tasodifan uzganini ta’kidladi.
Jinoyat ishini tergov qilish ishlari davom etmoqda. Tergovchilar yuzaga kelgan kelishmovchilikning haqiqiy sabablari va xolis vaziyatlarini aniqlashi kerak bo‘ladi.
Izoh (0)