Rossiyaga olib kirilishi taqiqlangan mahsulotlar ro‘yxatiga tirik baliq ham kiritildi. Bu haqda Rossiya bosh vaziri Dmitriy Medvedev tomonidan imzolangan va vazirlar mahkamasi saytiga joylangan hukumat qarorida aytiladi. Shu bilan birga, ro‘yxatdan losos va forel baliqchalari, laktozasiz sut va sut mahsulotlari, urug‘lik kartoshkasi, shakarli makkajo‘xori, no‘xat, biologik faol qo‘shimchalar va vitaminlar chiqarib tashlandi.
15-avgust kuni sog‘liqni saqlash vazirligi hukumatga dori sifatida ro‘yxatdan o‘tkazilgan vitaminlar ro‘yxatini yubordi. Unda sog‘liqni saqlash vazirligi dori-darmon bilan ta’minlash va tibbiy mahsulotlardan foydalanishni tartibga solish departamenti direktori Yelena Maksimkinaga tayanib, ushbu vitaminlarni keltirish taqiqlangan mahsulotlar ro‘yxatidan olib tashlash taklif qilingan edi. U ro‘yxatga, asosan biologik faol qo‘shimchalar va ixtisoslashgan oziq-ovqatlar, jumladan diabet bilan og‘rigan shaxslar uchun, tushganini ta’kidlagan.
7-avgust kuni bir qator mamlakatlar Ukrainadagi voqealar tufayli Rossiyaga joriy qilgan sanksiyalarga javoban, Moskva Yevroittifoq mamlakatlari, Avstraliya, Kanada, Norvegiya va AQShdan mol go‘shti, cho‘chqa go‘shti, sabzavot va mevalar, qush go‘shti, baliq, pishloq, sut va sut mahsulotlari olib kelishni to‘liq taqiqlagan edi. Cheklovlar bir yil muddatga kiritiladi. Embargo bolalar ozuqasiga tegishli bo‘lmaydi.
Izoh (0)