Iroqning amaldagi bosh vaziri Nuri al-Malikiy o‘z telemurojaatida iste’foga chiqqanini e’lon qildi va yangi hukumat rahbarini qo‘llab-quvvatlashini bildirdi. Bu haqda “ITAR-TASS” xabar berdi.
“Qon to‘kilishida mening aybim yo‘q va menga hech qanday lavozimning keragi yo‘q”, — dedi al-Malikiy ushbu qarorni “hukumatning topshirilish jarayonini yengillashtirish maqsadida” qabul qilganini ta’kidlar ekan.
Sobiq bosh vazir kuch ishlatib, hukumatni zo‘ravonlik yo‘li bilan egallashdan bosh tortganini alohida aytib o‘tdi. “Boshidanoq kuch ishlatish imkoniyatini istisno qilganman, chunki bu usulning ish berishiga ishonmayman. Bu Iroqni diktatura va zolimona hukmronlikka qaytargan bo‘lardi. Terror va jangarilarga qarshi kurash bundan mustasno”, — dedi u.
Izoh (0)