Ироқнинг амалдаги бош вазири Нури ал-Маликий ўз телемурожаатида истеъфога чиққанини эълон қилди ва янги ҳукумат раҳбарини қўллаб-қувватлашини билдирди. Бу ҳақда ИТАР-ТАСС хабар берди.
«Қон тўкилишида менинг айбим йўқ ва менга ҳеч қандай лавозимнинг кераги йўқ», — деди ал-Маликий ушбу қарорни «ҳукуматнинг топширилиш жараёнини енгиллаштириш мақсадида» қабул қилганини таъкидлар экан.
Собиқ бош вазир куч ишлатиб, ҳукуматни зўравонлик йўли билан эгаллашдан бош тортганини алоҳида айтиб ўтди. «Бошиданоқ куч ишлатиш имкониятини истисно қилганман, чунки бу усулнинг иш беришига ишонмайман. Бу Ироқни диктатура ва золимона ҳукмронликка қайтарган бўларди. Террор ва жангариларга қарши кураш бундан мустасно», — деди у.
Изоҳ (0)