Rossiya mudofaa vazirligi qator davlatlarning Astraxan viloyatida o‘tkaziladigan harbiy o‘quv mashg‘ulotlariga nisbatan aytgan fikri bo‘yicha taajjub bildirdi, deya xabar berdi Euronews.
Avvalroq Vashington Rossiya armiyasining Ukraina chegarasi yaqinida keng ko‘lamli manyovrlar o‘tkazishidan xavotir bildirgan edi. Aslida esa Ashuluk poligonidan chegaragacha bo‘lgan masofa ming kilometrdir.
Ukrainaga qo‘shni Polsha esa bu dalilni nazarga olmayapti. “So‘nggi soatlarda olgan ma’lumotlarimizga tayanib, Rossiyaning to‘g‘ridan-to‘g‘ri bostirib kirish xavfi bir necha kun avvalgidan ko‘ra ancha kuchayganini taxmin qilishimiz mumkin”, — dedi Polsha bosh vaziri Donald Tusk.
Eslatib o‘tamiz, Rossiya mudofaa vazirligi 4—8-avgust kunlari harbiy-havo kuchlari va havo hujumiga qarshi mudofaa qismlarining keng ko‘lamdagi harbiy mashg‘ulotlarini o‘tkazadi. Ular Astraxan viloyatida Ukraina chegarasidan ming kilometrdan kam masofada joylashgan Ashuluk poligonida bo‘lib o‘tadi.
Samolyotlar G‘arbiy harbiy okrugdan Markaziyga ko‘chirib o‘tkaziladi, vazifalarni bajarish uchun Armavir, Krimsk, Mozdok, Morozovsk aerodromlaridan foydalaniladi. Mudofaa vazirligi xabariga ko‘ra, yuzga yaqin samolyotlar, jumladan Su-34 qiruvchi va Su-24 bombardimonchi samolyotlari jalb etiladi.
Izoh (0)