O‘zbekiston soniyasiga 2,7 megabit internet tezligi bilan dunyoda 174-o‘rinni egalladi

Internet tezligini sinovdan o‘tkazish bo‘yicha jahon yetakchisi Ookla kompaniyasi  “Internet-spidometr” ishlab chiquvchisi Speedtest.net bilan hamkorlikda internet tezligi bo‘yicha dunyo mamlakatlari reytingini tuzdi.

Jami 193 ta davlat ichida O‘zbekiston soniyasiga o‘rtacha 2,7 Mbit tezlik bilan 174-o‘rinni egallab, Afrikaning Sudan va Gabon davlatlari oralig‘ida joylashdi.

Reytingda Qozog‘iston 57-o‘rin, Qirg‘iziston 69, Tojikiston 74-o‘rinlarni band etdi.

Internet tezligi bo‘yicha dunyo yetakchilari o‘ntaligiga Litva (7-o‘rin, 45,5 Mbit/soniya) kirdi. Latviya 39,3 Mbit/soniya tezlik bilan 12-o‘rin, AQSh 26,7 Mbit/soniya tezlikda 27-o‘rinni band qildi.

Estoniya (31-o‘rin), Rossiya (35), Ukraina (36), Armaniston (54) va Gruziya (58) ham reytingda yaxshi natijalar qayd etdi.