AQSh aholisining 57 foizi Obama faoliyatiga qarshi norozilik namoyishlarida qatnashishga tayyorligini bildirdi

Barak Obama faoliyatini ma’qullash reytingi 40 foizgacha tushib ketdi, bu iyun oyidagi ko‘rsatkichdan 1 foizga kam bo‘lib, yangi aksilrekord hisoblanadi. Bu haqda The Wall Street Journal bilan hamkorlikda so‘rov o‘tkazgan NBS News xabar berdi.

So‘ralganlarning 57 foizi Obama faoliyatidan mamnun emasligini, norozilik namoyishiga chiqishga tayyor ekanini bildirdi. Ishtirokchilar tomonidan aytilgan talablar orasida Obamaga impichment, chegaralarni yopish, Ukraina va G‘azo sektorida odamlarni bombardimon qilishni to‘xtatish bor.

Prezidentning tashqi siyosatini bor-yo‘g‘i 36 foiz amerikaliklar qo‘llab-quvvatlaydi.

So‘rov natijalariga ko‘ra, 70 foiz aholi mamlakat noto‘g‘ri yo‘nalishda ketayotganini aytgan bo‘lsa, 80 foizi Amerika siyosiy tizimi inqirozga yuz tutganini ta’kidlagan, so‘ralganlarning 14 foizigina AQSh Kongressi faoliyatini ma’qullagan.

Har o‘n amerikalikdan olti nafari mamlakat iqtisodiyoti holatidan norozi, bu 2008-yilgi jahon iqtisodiy inqirozidan buyon eng yuqori ko‘rsatkichdir.