Fransiyada 62 yoshli erkak uzoq muddatli dam olish safariga yo‘lga chiqqanida, rafiqasini yoqilg‘i quyish shoxobchasida unutib qoldirganini eslab politsiyaga murojaat qildi.
Oila 5-iyun kuni shaxsiy avtomobilida Parijdan Marokashga yo‘lga chiqdi. Yo‘lda er ertalab soat 4:30 da yoqilg‘i quyish shoxobchasiga kirdi. 300 km o‘tgach, u oxirgi bekatda xotinini unutib qoldirganini tushundi.
Erkak shu zahotiyoq favqulodda xizmatlarga murojaat qilgan. U voqea tafsilotlarini tushuntira boshlaganida, xotini aynan qaysi yoqilg‘i quyish shoxobchasida qolganini eslay olmadi. Mashinada erkakdan tashqari 22 yoshli qiz ham bo‘lgan, u shu paytda uxlab qolgan. Keyinchalik ma’lum bo‘lishicha, to‘xtash joyi Orlean yaqinida bo‘lgan. “Bizga qo‘ng‘iroq ertalab soat 8:30 atrofida bo‘lgan”, deydi politsiya.
Politsiya avtomagistral bo‘ylab bir nechta dam olish joylarini tekshirganiga qaramay, yo‘qolgan ayolni topa olmadi. Huquq-tartibot idoralari xodimlari 62 yoshli erkak ayolni ataylab unutib qoldirganidan shubhalana boshladi.
Shunga qaramay, keyinchalik mutaxassislar uyali aloqa operatori ma’lumotlari tufayli yo‘qolgan ayolni topishdi. Ular ayolning telefonini kuzatishdi va u De-Sevre shahridagi avtomagistraldagi texnik xizmat ko‘rsatish stansiyasida bo‘lganini aniqlashdi. Ayol ertalab soat 4:30 dan beri oilasi qaytishini kutib, joyidan qimirlamagan.
Shundan so‘ng, xodimlar kichik so‘rovnoma o‘tkazib, erkak turmush o‘rtog‘ini ataylab tashlab ketmaganiga ishonch hosil qilishdi. So’ngra, oila avtomobil sayohatini davom ettirdi.
Izoh (0)