O‘zbekiston qishloqlarida 2014-yilning olti oyi davomida 4486 ta namunaviy uy-joy qurildi

Qishloq joylarda namunaviy loyihalar bo‘yicha yakka tartibdagi uy-joylar qurilishi dasturini amalga oshirish doirasida joriy yilning o‘tgan davrida 1,3 trillion so‘mlik investitsiyalar o‘zlashtirildi, deya xabar berdi O‘zbekiston Respublikasi Iqtisodiyot vazirligi.

Yangi qishloq massivlarida namunaviy loyihalar asosida bunyod etilgan 4486 yakka tartibdagi uy-joy foydalanishga topshirildi, 417,3 kilometr suv ta’minoti tarmoqlari, 74,6 kilometr aylanma va ichki avtomobil yo‘llari, 165,5 kilometr elektr va 149 kilometr gaz ta’minoti tarmoqlari ishga tushirildi.

Joriy yil boshidan buyon jami 5,8 million kvadrat metr (2013-yilning shu davriga nisbatan 113,9 foiz), jumladan, qishloq joylarda 4,4 million kvadrat metr uy-joy (115,9 foiz) foydalanishga topshirildi. 1,7 ming kilometr suv ta’minoti tarmog‘i (jumladan, qishloq joylarda 1,5 ming kilometr) va 289 kilometr gaz tarmoqlari (212,9 kilometr) barpo etildi.