“Moskoviya” aviakompaniyasi Rossiya aviatsiya hukumatining kompaniya faoliyatini cheklash haqidagi qarori tufayli O‘zbekistonga muntazam reyslarni amalga oshira olmaydi. Bu haqda UzDaily xabar berdi.
“Rosaviatsiya” ma’lumotlariga ko‘ra, aviakompaniyaga 2014-yil 29-iyuldan muntazam reyslar uchun chiptalarni sotish, 1-sentabrdan esa muntazam yo‘lovchi tashishni amalga oshirish taqiqlanadi. “Moskoviya aviakompaniyasi” OAJ charter reyslar bo‘yicha tashuvchi turiga o‘tadi.
Ushbu qaror 2014-yil 11—13-iyul kunlari Rossiya va xorijiy mamlakatlar aeroportlarida reyslar uzoq vaqt kechiktirilgani munosabati bilan rejadan tashqari tekshirish ishlari yakunlari bo‘yicha qabul qilindi. Tekshiruv tashuvchining moliyaviy ahvoli qoniqarsiz ekanligini ko‘rsatdi. Aviakompaniyaning ish haqi bo‘yicha o‘z xodimlaridan qarzdorligi 42 million rublni tashkil etdi.
“Moskoviya” aviakompaniyasi O‘zbekistonning Samarqand, Buxoro, Farg‘ona, Andijon, Navoiy, Qarshi, Namangan va boshqa shaharlariga doimiy reyslarni amalga oshirgan.
Izoh (0)