«Московия» авиакомпанияси Россия авиация ҳукуматининг компания фаолиятини чеклаш ҳақидаги қарори туфайли Ўзбекистонга мунтазам рейсларни амалга ошира олмайди. Бу ҳақда UzDaily хабар берди.
«Росавиация» маълумотларига кўра, авиакомпанияга 2014 йил 29 июлдан мунтазам рейслар учун чипталарни сотиш, 1 сентябрдан эса мунтазам йўловчи ташишни амалга ошириш тақиқланади. «Московия авиакомпанияси» ОАЖ чартер рейслар бўйича ташувчи турига ўтади.
Ушбу қарор 2014 йил 11—13 июль кунлари Россия ва хорижий мамлакатлар аэропортларида рейслар узоқ вақт кечиктирилгани муносабати билан режадан ташқари текшириш ишлари якунлари бўйича қабул қилинди. Текширув ташувчининг молиявий аҳволи қониқарсиз эканлигини кўрсатди. Авиакомпаниянинг иш ҳақи бўйича ўз ходимларидан қарздорлиги 42 миллион рублни ташкил этди.
«Московия» авиакомпанияси Ўзбекистоннинг Самарқанд, Бухоро, Фарғона, Андижон, Навоий, Қарши, Наманган ва бошқа шаҳарларига доимий рейсларни амалга оширган.
Изоҳ (0)