AQShning Texas shtati shimolida golf-klub maysazoridagi o‘tlarni kuzayotgan kishiga Afrika asal tashuvchi arilari hujum qilib, uni mingdan ortiq marta chaqib tashladi, deya xabar berdi The Daily Mail. O‘z hamkasbiga yordamga shoshilgan yana ikki kishi ham hasharotlar hujumiga uchradi.
Hodisa joyiga yetib kelgan qutqaruvchilar arilar galasini o‘to‘chirgich ko‘pigi bilan quvlab yuborgan. Golf-klubning ikki ishchisi shifoxonaga yotqizilgan. Doktorlar ularning holatini qoniqarli deb topgan. Uchinchi jabrlanuvchi voqea joyida tekshirilgan va qo‘yib yuborilgan.
Qutqaruvchilar taxmin qilishicha, maysa kesuvchi qurilmadan chiqayotgan baland tovush arilarni bezovta qilgan. Ular qo‘rqib ketib, o‘z-o‘zini mudofaa qilishga kirishgan. Maydonda topilgan tennis koptogi hajmidagi ari uyasi 50 mingtagacha arini o‘ziga sig‘dirishi mumkin.
Sport markazining golf uchun mo‘ljallangan qismi tashrifchilar uchun yopildi. Uning xodimlari arilar uchib ketgan-ketmaganligini aniq ayta olishmadi.
Izoh (0)