АҚШнинг Техас штати шимолида гольф-клуб майсазоридаги ўтларни кузаётган кишига Африка асал ташувчи арилари ҳужум қилиб, уни мингдан ортиқ марта чақиб ташлади, дея хабар берди The Daily Mail. Ўз ҳамкасбига ёрдамга шошилган яна икки киши ҳам ҳашаротлар ҳужумига учради.
Ҳодиса жойига етиб келган қутқарувчилар арилар галасини ўтўчиргич кўпиги билан қувлаб юборган. Гольф-клубнинг икки ишчиси шифохонага ётқизилган. Докторлар уларнинг ҳолатини қониқарли деб топган. Учинчи жабрланувчи воқеа жойида текширилган ва қўйиб юборилган.
Қутқарувчилар тахмин қилишича, майса кесувчи қурилмадан чиқаётган баланд товуш ариларни безовта қилган. Улар қўрқиб кетиб, ўз-ўзини мудофаа қилишга киришган. Майдонда топилган теннис коптоги ҳажмидаги ари уяси 50 мингтагача арини ўзига сиғдириши мумкин.
Спорт марказининг гольф учун мўлжалланган қисми ташрифчилар учун ёпилди. Унинг ходимлари арилар учиб кетган-кетмаганлигини аниқ айта олишмади.
Изоҳ (0)