1969-yilda Oyga uyushtirilgan ekspeditsiya ishtirokchisi bo‘lgan 84 yoshli amerikalik astronavt Bazz Oldrin o‘z Twitter’iga koinotda olingan dunyodagi ilk selfini joyladi. Ma’lum bo‘lishicha, sobiq NASA xodimi selfi urfga kirishidan 50 yil avval o‘zini-o‘zi suratga tushirgan. Bu haqda Mirror xabar berdi.
“Koinotdagi birinchi selfini 1966-yilda ‘Jemini-12’ ekspeditsiyasi chog‘ida tushirganimdan xabaringiz bormi?” — deyiladi suratga yozilgan izohida. 19-iyulda joylangan surat ayni paytgacha 18 ming marta “retvit” qilingan.
Did you know I took the first space selfie during Gemini 12 mission in 1966? BEST SELFIE EVER http://t.co/JfPAiVXmLk pic.twitter.com/DuwDXvcDmp
— Dr. Buzz Aldrin (@TheRealBuzz) July 19, 2014
“Jemini” kemasining mashq sifatidagi parvozi davomida Bazz Oldrin ochiq koinotda besh soat bo‘lib, rekord o‘rnatgan. Ushbu suratni astronavt insonning oyga birinchi bor qo‘nganiga 45 yil to‘lgani munosabati bilan e’lon qildi.
Izoh (0)